जनकपुर यातायात कार्यालयबाट तीन जना बिचौलिया पक्राउ : JCNEPALMEDIA

21 दिन पहिले

जेष्ठ ०१,२०८३ / जेसी नेपाल संवाददाता

जिल्ला प्रहरी कार्यालय धनुषा ले यातायात व्यवस्था कार्यालय जनकपुरधाम परिसरबाट तीन जना बिचौलियालाई पक्राउ गरेको छ।

सेवाग्राहीलाई कामकाजका क्रममा झन्झट तथा हैरानी दिने गरेको गुनासो र विशेष सूचनाका आधारमा खटिएको प्रहरी टोलीले उनीहरूलाई पक्राउ गरेको प्रहरीले जनाएको छ।

पक्राउ पर्नेमा जनकपुरधाम उपमहानगरपालिका–२ शिवचोक निवासी २२ वर्षीय अंकित कुमार साह, सर्लाहीको गोडैटा नगरपालिका–६ निवासी ३० वर्षीय चिन्टु कुमार सिंह तथा धनुषाधाम नगरपालिका–३ निवासी २१ वर्षीय राजेश साह रहेका छन्।

जिल्ला प्रहरी कार्यालय धनुषा का प्रहरी नायब उपरीक्षक गणेश बहादुर बलमे ले सेवाग्राहीलाई अनावश्यक रूपमा दुःख दिने गतिविधिमा संलग्न रहेको सूचनाका आधारमा उनीहरूलाई नियन्त्रणमा लिइएको जानकारी दिए। पछिल्लो समय कार्यालयहरूमा हुने बिचौलियाको चलखेल नियन्त्रण गर्न प्रहरी र सम्बन्धित निकायले निगरानी बढाउँदै आएका छन्।

प्रकाशित : जेष्ठ ०१, २०८३          ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

सामाजिक सञ्जालमा नक्कली पेस्तोल प्रदर्शन गर्ने युवक पक्राउ : विराटनगर JCNEPALMEDIA

राष्ट्र बैंकको गभर्नर तथा डेपुटी गभर्नर बाहिरबाट ल्याउने तयारी : JCNEPALMEDIA

हेडक्वार्टरले बदल्यो निर्णय, उपत्यका ट्राफिक प्रहरी प्रमुखमा सुरेश काफ्ले : JCNEPALMEDIA

लुम्बिनी प्रदेशमा मन्त्रिपरिषद् पुनर्गठन, पाँच नयाँ मन्त्री नियुक्त : JCNEPALMEDIA

शुल्क विवादको बहानामा प्रहरी हिरासतभित्र इप्रका प्रमुखले गरे कुटपिट : सर्लाही JCNEPALMEDIA

टिकटकर तुलसा अधिकारीलाई हत्कडीसहित पुर्याए अदालत : JCNEPALMEDIA