मेक्सिको खाडीको नाम परिवर्तन गर्दै ट्रम्पले बनायाे, ‘गल्फ अफ अमेरिका’ : JCNEPAL MEDIA

1 वर्ष पहिले

माघ १३,२०८१ / जेसी नेपाल संवाददाता

वाशिंटन डिसी : डोनाल्ड ट्रम्पले अमेरिकी राष्ट्रपतिको रुपमा सपथ लिएको समयमा नै धेरै घोषणा गरेका थिए। दोस्रो पटक ह्वाइट हाउस पुगे ट्रम्पले चुनावी अभियानमा गरेका आफ्ना वाचाहरूलाई निरन्तर कार्यान्वयन गरिरहेका छन्। राष्ट्रपति बनेलगत्तै ट्रम्पले पहिलो पटक गैरकानुनी आप्रवासीलाई देश निकाला गर्ने कानुन बनाए, मेक्सिकोको सिमानामा अवैध घुसपैठ रोक्न सेना खटाए, क्यानडामा २५ प्रतिशत ट्यारिफ लगाए र अब आफ्नो घोषणा बमोजिम नाम पनि परिवर्तन गर्न थालेका छन्।

हालै उनले ‘मेक्सिकोको खाडी’ नाम परिवर्तन गरेर ‘अमेरिकन खाडी’ बनाउने पूर्ववत् घोषणामा लालमोहर लगाएका छन्। ‘हो ‘मेक्सिकोको खाडी’ अब देखी ‘गल्फ अफ अमेरिका’ भनेर चिनिनेछ। ट्रम्प प्रशासनले शनिबार यसलाई अनुमोदन गरेको छ। ट्रम्प प्रशासनको आन्तरिक विभागका अनुसार अब आधिकारिक रूपमा मेक्सिकोको खाडीको नाम परिवर्तन गरी ‘गल्फ अफ अमेरिका’ रहने भएको छ। यसैबीच, अलास्काको माउन्ट डेनालीको नाम पनि परिवर्तन गरे ‘माउन्ट म्याककिन्ले’ राखिएको छ। अमेरिकी राष्ट्रपति डोनाल्ड ट्रम्पले सोमबार पदभार ग्रहण गर्ने बित्तिकै कार्यकारी कदम चालिरहेका छन् र नाम परिवर्तन गर्न आदेशमा अहिले धमाधम लालमोहर लगाइरहेका छन्।

ट्रम्पको कार्यालयले जारी गरेको विज्ञप्तिमा भनिएको छ, ‘राष्ट्रपतिको निर्देशनअनुसार अब मेक्सिकोको खाडीलाई आधिकारिक रूपमा ‘अमेरिकाको खाडी’ भनेर चिनिने छ। उत्तर अमेरिकाको सबैभन्दा अग्लो चुचुरोलाई फेरि एकपटक ‘माउन्ट म्याकिन्ले’ नाम दिइनेछ। अलास्काको सर्वोच्च शिखरलाई अमेरिकाका पूर्व राष्ट्रपति विलियम म्याककिन्लेको सम्मानमा माउन्ट म्याककिन्ले भनिएको थियो, तर राज्यको अनुरोधमा १९७५ मा नाम परिवर्तन गरी डेनाली राखिएको थियो।

यसको अर्थ स्वदेशी भाषा ‘कोयुकोन’ मा ‘लामो’ हो। साथै, यो पनि भनिएको छ -ट्रम्पले अमेरिकी भूगर्भ सर्वेक्षणलाई मेक्सिकोको खाडीको नाम परिवर्तन गर्न थप आदेश दिन सक्छन्, ताकि यसलाई अन्तर्राष्ट्रिय स्तरमा मान्यता मिलोस्। यो सयौं वर्षको लागि समुद्री नेभिगेसन सन्दर्भको रूपमा प्रयोग गरिदै आइएको स्थल हो।

प्रकाशित : माघ १३,२०८१ ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

अमेरिकामा नेपाली नयाँ बर्ष अप्रील १४ मा प्रत्येक बर्ष मनाउने आज आधिकारिक घोषणा : विजय कुमार चौधरी

धनुषा प्रहरीले यतायात कार्यालयबाट पाँच जना विचाैलिया गरे पक्राउ : JCNEPAL MEDIA

भारतकाे रामपुरमा शारिरिक संभाेगकै क्रममा घाँटी थिचेर हत्या,अर्धनग्न नै छाेडेर भागे : JCNEPAL MEDIA

पूजा ठाकुरको 'दहेज' सर्ट फिल्म रिलिज ,बाईककै लागि बिहे गर्ने मधेशको प्रवृतिमा अधारित : JCNEPAL MEDIA

अमिशा माथि भएको “साइबर हमलामा उजुरीपछि रौतहटबाट युवक पक्राउ, सामाजिक सञ्जाल नियमन गर्न ब्यूराे एक्शनमा : JCNEPAL MEDIA

धनुषा नापी कार्यालयले पनि अपनाए डिजिटल प्रविधि , नक्साको लागि “मेरो कित्ता” प्रणालीमार्फत घरमै बसेर नक्सा लिन सक्ने : JCNEPAL MEDIA