मन्त्रालयको बजेटमा फर्जी उपभोक्ता समिति, योजनाको चिठ्ठी बेच्दै एमालेका नेता : कमला नगरपालिका JCNEPAL MEDIA

1 वर्ष पहिले

चैत २८,२०८१ / जेसी नेपाल संवाददाता

पूर्वी धनुषाको कमला नगरपालिकामा एमालेका नेताहरुले योजनाको चिठ्ठी विक्री गरिरहेको पाईएको छ । आफ्नो निर्वाचन क्षेत्र पर्ने नेताहरुले भौतिक पूर्वाधार मन्त्रालयबाट योजनाको चिठ्ठी लिएर कमिशन लिँदै वितरण गर्न थालेको समाचारहरु मिडियामा दिनहुँ आउन थालेको छ ।

सोही क्रममा मन्त्रालयबाट कमला नगरपालिकामा गएको केही योजनाहरुमा फर्जी उपभोक्ता समिति गठन गरिएको आरोप लगाइएको छ । कमला नगरपालिकाकी उपमेयर शिला देवी मण्डलले कमला नगरपालिकाको वडा नम्बर ४ सघारामा राखिएको मन्त्रालयको तीन योजनामा फर्जी उपभोक्ता समिति गठन गरिएको आरोप लगाएकी छिन् ।

उनले सो फर्जी उपभोक्ता समितिको पत्र फिर्ता गरी कानुनी कारवाहीको लागि मन्त्रालयलाई पत्राचार समेत गरेकी छन् । मन्त्रालयबाट गएको योजनाको चिठ्ठी एमालेकै एक नेताले बिक्री गरेको योजनाको उपभोक्ता समिति गठन गर्न उपमेयरको किर्ते हस्ताक्षर गरिएको बताइएको छ । एमालेका नेताले आफ्ना आसेपासेलाई फर्जी उपभोक्ता समितिको लागि भनेको बताईएको छ । २५/२५ लाख रुपैयाँको ३ वटा योजनामा धनुषा निर्वाचन क्षेत्र नम्बर २ का एमालेका नेताले उपभोक्ता समिति बनाएको स्थानीयको शंका छ । सघारा राधा कृष्ण मन्दिरको धर्मशालाको माथिल्लो तल्लामा निर्माण कार्य, दुर्गा मन्दिरदेखि कमला बाँधसम्म सडक स्तरोन्ति कार्य र हुलाकी सडकको छेउमा अधुरो रामजानकी मन्दिर पुरा गर्ने निर्माण कार्य योजनामा फर्जी उपभोक्ता समिति बनाइएको हो ।

कमला नगरपालिकाकी उपप्रमुख शिला देवी मण्डलको फर्जी हस्ताक्षर गरी उपभोक्ता समिति बनाइएको आरोप छ । उपप्रमुखले सो विषयमा पुर्वाधार कार्यालयलाई पत्र काटेर सम्झौता रोक्का गर्न अनुरोध समेत गरेकी छिन् । वडा कार्यालयमा चिठ्ठी दर्ता गराइ १५ दिन भित्र उपभोक्ता समिति गठन गर्नुपर्ने प्रावधान छ ।

गत माघ २९ गते नै पूर्वाधार कार्यालयले उपभोक्ता समिति गठन सम्बन्धी पत्र तयार गरेका थिए । उक्त पत्र मन्त्रीले १० प्रतिशत लिएर योजना उपलब्ध गराएका थिए । वडाध्यक्ष गोहिवारले हालसम्म ती योजनाको चिठ्ठीहरु वडा कार्यालयमा नआएको बताए । उक्त योजनाको चिठ्ठी बीचौलियाहरुको हातमा भएको हुन सक्ने उनले आशंका गरे ।

प्रकाशित : चैत २८,२०८१                     ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

धनुषा जनकनन्दिनी गापा अध्यक्ष यादवको पहलले खजुरी पर्साहा मैदानमा ठुलो बजेटकाे स्टेडियम बन्ने : JCNEPALMEDIA

अवैध रुपमा नामका अघि ‘डाक्टर’ लेख्नेलाई कारबाही हुने : JCNEPALMEDIA

सामाजिक सञ्जालमा नक्कली पेस्तोल प्रदर्शन गर्ने युवक पक्राउ : विराटनगर JCNEPALMEDIA

राष्ट्र बैंकको गभर्नर तथा डेपुटी गभर्नर बाहिरबाट ल्याउने तयारी : JCNEPALMEDIA

हेडक्वार्टरले बदल्यो निर्णय, उपत्यका ट्राफिक प्रहरी प्रमुखमा सुरेश काफ्ले : JCNEPALMEDIA

लुम्बिनी प्रदेशमा मन्त्रिपरिषद् पुनर्गठन, पाँच नयाँ मन्त्री नियुक्त : JCNEPALMEDIA