आईजीपी थापाद्वारा निर्मम निर्देशन, भिडियोमा देखिएका ४ ट्राफिकको जिम्मेवारी खोसियो : JCNEPAL MEDIA

1 वर्ष पहिले

बैशाख ११,२०८१ / जेसी नेपाल संवाददाता

काठमाडौं : नेपाल प्रहरीको काठमाडौं उपत्यका ट्राफिक प्रहरी कार्यालय, रामशाहपथले चार जना ट्राफिक प्रहरीलाई जिम्मेवारीबाट हटाएको छ ।

ट्राफिक कार्यालयका प्रवक्ता प्रहरी उरीक्षक दीपक गिरीद्वारा बिहीबार जारी विज्ञप्तिअनुसार २०८१ मंसिर २३ गते सुन्धाराको आकाशे पुलमुनि भएको कुटपिटको घटनामा संलग्न ४ ट्राफिक प्रहरीको जिम्मेवारी खोसिएको जनाएका छन् । नेपाल प्रहरीका आईजीपी दीपक थापाले घटनाको जानकारी हुनेवित्तिकै मातहतलाई निर्देशन दिएर घटनाको छानविन र दोषीलाई कानूनी कारबाही गर्न निर्देशन दिइसकेका छन् । ती चार जना ट्राफिक प्रहरीको जिम्मेवारी खोसेर अनुसन्धानमा राखिएको छ ।

२०८२ वैशाख ११ गते सामाजिक सञ्जाल, विभिन्न सञ्चारमाध्यमहरूमा ट्राफिक प्रहरीद्वारा एकजना पुरुष व्यक्तिमाथि तथा दुर्व्यवहार गरेको भिडियो प्रकाशन भएको सम्बन्धमा काठमाडौं उपत्यका ट्राफिक प्रहरी कार्यालयको गम्भीर ध्यानाकर्षण भएको छ’, विज्ञप्तिमा भनिएको छ । ‘प्रारम्भीक अनुसन्धानअनुसार उक्त घटना मिति २०८१ मंसिर २३ गते सुन्धारा आकाशे पुलमुनि भएको र उक्त कार्यमा संलग्न देखिएका ४ जना ट्राफिक प्रहरीहरूलाई ट्राफिक प्रहरी वृत्त, जनसेवाको जिम्मेवारीबाट हटाई यस काठमाडौं उपत्यका ट्राफिक प्रहरी कार्यालयमा झिकाई आवश्यक छानविन तथा अनुसन्धान भइरहेको व्यहोरा जानकारी गराइन्छ’, विज्ञप्तिमा भनिएको छ ।

सामाजिक सञ्जालमा सार्वजनिक भएको भिडयोमा चार जना ट्राफिक प्रहरीले एकजना मोटरसाइकल चालकलाई कुटपिट गर्नुका साथै भुइँमा लडाएर लात्तीले हानेर निर्धात कुट गरेका छन् । मोटरसाइकल चालक भुइँमा लडेर उठ्न नसकेको देखिएको छ ।

 

प्रकाशित : बैशाख ११,२०८१             ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

धनुषा जनकनन्दिनी गापा अध्यक्ष यादवको पहलले खजुरी पर्साहा मैदानमा ठुलो बजेटकाे स्टेडियम बन्ने : JCNEPALMEDIA

अवैध रुपमा नामका अघि ‘डाक्टर’ लेख्नेलाई कारबाही हुने : JCNEPALMEDIA

सामाजिक सञ्जालमा नक्कली पेस्तोल प्रदर्शन गर्ने युवक पक्राउ : विराटनगर JCNEPALMEDIA

राष्ट्र बैंकको गभर्नर तथा डेपुटी गभर्नर बाहिरबाट ल्याउने तयारी : JCNEPALMEDIA

हेडक्वार्टरले बदल्यो निर्णय, उपत्यका ट्राफिक प्रहरी प्रमुखमा सुरेश काफ्ले : JCNEPALMEDIA

लुम्बिनी प्रदेशमा मन्त्रिपरिषद् पुनर्गठन, पाँच नयाँ मन्त्री नियुक्त : JCNEPALMEDIA