एसइईको नतिजा सार्वजनिक, ६१.८१ प्रतिशत ग्रेडेड : राष्ट्रिय परीक्षा बोर्ड JCNEPAL MEDIA

10 महीना पहिले

असार १३,२०८२ / जेसी नेपाल संवाददाता

गत वर्ष सञ्चालित माध्यमिक शिक्षा परीक्षा (एसइई)को नतिजा सार्वजनिक भएको छ । परीक्षा लगत्तै शिक्षकहरुको लामो आन्दोलनका बाबजुद राष्ट्रिय परीक्षा बोर्डको बैठकले परीक्षा सकिएको तीन महिनाभित्रै नतिजा सार्वजनिक गरेको हो ।

भक्तपुरस्थित कार्यालयमा बसेको बोर्डको बैठकले नतिजा सार्वजनिक गर्ने अन्तिम निर्णय गरेलगत्तै पत्रकार सम्मेलन गरेर नतिजा सार्वजनिक गरिएको हो । पत्रकार सम्मेलनमा बोर्डका अध्यक्ष महाश्रम शर्माले कुल परीक्षर्थीमध्ये एक लाख ६७ हजार ५९७ जना ननग्रेडेड भएको जानकारी दिए । उनका अनुसार, गत वर्षको एसइईमा ६१.८१ प्रतिशत विद्यार्थी ग्रेडेड भएको उल्लेख गरे । शर्माले अघिल्लो वर्षको तुलनामा यो वर्ष करिब १३ प्रतिशत बढी विद्यार्थी ग्रेडेड भएको जानकारी दिँदै उत्कृष्ट नतिजा ल्याउन सहयोग गर्ने सबैप्रति आभार व्यक्त गरे ।

यो वर्ष ३.६ देखि ४ जीपीए अर्थात् ए प्लस ल्याउने विद्यार्थीको संख्या ४८ हजार १७७ रहेको शर्माले बताए । यस्तै ३.२ देखि ३.६ जीपीए अर्थात् ए ल्याउने विद्यार्थीको संख्या ८१ हजार ३८५, २.८ देखि ३.२ जीपीए अर्थात् बी प्लस ल्याउने विद्यार्थीको संख्या ८९ हजार १२४, २.४ देखि २.८ जीपीए अर्थात् बी ल्याउने विद्यार्थीको संख्या ४८ हजार ४७९, २.० देखि २.४ जीपीए अर्थात् सी प्लस ल्याउने विद्यार्थीको संख्या ४ हजार १ सय २६ र १.६ देखि २.० जीपीए अर्थात् सी ल्याउने विद्यार्थीको संख्या ८ जना रहेको बोर्डले जानकारी दियो ।

प्रदेशगत रुपमा बागमती प्रदेशबाट यो वर्ष १ लाख १९ हजार ५१७ जना ग्रेडेड भएका छन् । कोशीबाट ४७ हजार ८३५, मधेशबाट ५९ हजार ७४९ र गण्डकी प्रदेशबाट ४७ हजार ८४९ जना ग्रेडेड भएका छन् । बोर्डका अध्यक्ष शर्माका अनुसार, लुम्बिनीबाट ५७ हजार ६८७, कर्णालीबाट ४६ हजार ४५५ र सूदूरपश्चिम प्रदेशबाट ५९ हजार ८०४ जना वर्गीकृत भएका छन् । यो पनि पढ्नुहोस् एसइईमा सबैभन्दा धेरै गणित विषयमा 'ननग्रेडेड' २०८१ को एसइई परीक्षा ७ चैतदेखि सञ्चालन भएको थियो ।

यो वर्षको परीक्षामा नियमित र ग्रेड वृद्धितर्फ गरी जम्मा ५ लाख १४ हजार ७१ विद्यार्थी सहभागी भएका थिए । १२६ जनाको परीक्षा रद्द गरिएको बताउँदै अध्यक्ष शर्माले यहीँ साउन २९ गतेदेखि ग्रेडवृद्धिका लागि परीक्षा सञ्चालन गर्ने तयारी भएको बताए । उनका अनुसार, यो वर्षपनि सबै परीक्षाको परीक्षा दिन सकिने छ ।

प्रकाशित : असार १३,२०८२           ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

मुख्यमन्त्रीहरुसँग प्रधानमन्त्री वालेन्द्र शाहको छलफलमा,सीमानाकाको सवारी कर हटाउनुपर्ने माँग : मधेस मुख्यमन्त्री यादव

अमेरिकामा नेपाली नयाँ बर्ष अप्रील १४ मा प्रत्येक बर्ष मनाउने आज आधिकारिक घोषणा : विजय कुमार चौधरी

धनुषा प्रहरीले यतायात कार्यालयबाट पाँच जना विचाैलिया गरे पक्राउ : JCNEPAL MEDIA

भारतकाे रामपुरमा शारिरिक संभाेगकै क्रममा घाँटी थिचेर हत्या,अर्धनग्न नै छाेडेर भागे : JCNEPAL MEDIA

पूजा ठाकुरको 'दहेज' सर्ट फिल्म रिलिज ,बाईककै लागि बिहे गर्ने मधेशको प्रवृतिमा अधारित : JCNEPAL MEDIA

अमिशा माथि भएको “साइबर हमलामा उजुरीपछि रौतहटबाट युवक पक्राउ, सामाजिक सञ्जाल नियमन गर्न ब्यूराे एक्शनमा : JCNEPAL MEDIA