प्रदेश सरकारबाट नाउपा बाहिरिएपछि देउवा भेट्न काठमाडौं आइपुगे मुख्यमन्त्री शाह : JCNEPAL MEDIA

11 महीना पहिले

असार २१,२०८२ / जेसी नेपाल संवाददाता

सुदूरपश्चिम प्रदेशका मुख्यमन्त्री कमलबहादुर शाह कांग्रेसका सभापति शेरबहादुर देउवालाई भेट्न काठमाडौंस्थित उनकै निवास बुढानिलकण्ठ पुगेका छन्। मुख्यमन्त्रीले शाहले आफ्नो पार्टीका मन्त्री रामेश्वर चौधरीलाई बर्खास्त गरेपछि नागरिक उन्मुक्ति पार्टीले प्रदेश सरकारलाई दिएको समर्थन फिर्ता लिएको थियो।

सोही विषय र प्रदेश सरकारको बजेट पारित र सरकारका गतिविधिबारे छलफल गर्न मुख्यमन्त्री शाही सभापति देउवालाई भेट्न काठमाडौं आएका हुन्। शनिबार भएको भेटवार्ताका क्रममा शाहीले नाउपाका मन्त्रीलाई कारबाही गर्नुको कारण र पछिल्लो समय विकसित राजनीतिक घटनाक्रमको बारेमा विस्तृतमा सुनाएका थिए। प्रदेश सरकारबाट बाहिरिएको नाउपाले संघ सरकारलाई दिएको समर्थन पनि फिर्ता लिने तयारी गरेको छ। जसका लागि नाउपाले आइतबार बिहान १० बजेका लागि संसदीय दलको बैठक बोलाइसकेको छ।

भेटवार्ताका क्रममा देउवाले मुख्यमन्त्री शाहलाई प्रदेश सरकारको गठबन्धनमा देखिएका समस्याहरू वार्ता र संवादमार्फत हल गर्न सुझाव दिएका थिए। देउवाले नाउपाको मन्त्री बर्खास्त भएको ठाउँमा नाउपाबाटै मन्त्री बनाउने गरी अघि बढ्न सुझाव दिएका उनको सचिवालयले जनाएको छ।

प्रकाशित : असार २१,२०८२            ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

अवैध रुपमा नामका अघि ‘डाक्टर’ लेख्नेलाई कारबाही हुने : JCNEPALMEDIA

सामाजिक सञ्जालमा नक्कली पेस्तोल प्रदर्शन गर्ने युवक पक्राउ : विराटनगर JCNEPALMEDIA

राष्ट्र बैंकको गभर्नर तथा डेपुटी गभर्नर बाहिरबाट ल्याउने तयारी : JCNEPALMEDIA

हेडक्वार्टरले बदल्यो निर्णय, उपत्यका ट्राफिक प्रहरी प्रमुखमा सुरेश काफ्ले : JCNEPALMEDIA

लुम्बिनी प्रदेशमा मन्त्रिपरिषद् पुनर्गठन, पाँच नयाँ मन्त्री नियुक्त : JCNEPALMEDIA

शुल्क विवादको बहानामा प्रहरी हिरासतभित्र इप्रका प्रमुखले गरे कुटपिट : सर्लाही JCNEPALMEDIA