मधेश प्रदेश लोकसेवाबाट पास भएका उम्मेदवारलाई मन्त्रालय द्वारा नियुक्ति दिन आलटाल : JCNEPAL MEDIA

9 महीना पहिले

साउन १३,२०८२ / जेसी नेपाल मिडिया

प्रदेश लोक सेवा आयोग, मधेश प्रदेश जनकपुरधामले सिफारिस गरेका एक उम्मेदवारलाई स्वास्थ्य मन्त्रालयले नियुक्ति दिन हप्तौँदेखि आलटाल गरिरहेका छन् । सहायक पाँचौं तहको रेफ्रिजरेटर टेक्निसियन (ईलेक्ट्रीकल समूह) पदको अन्तिम नतिजा गत मिति २०८२।०३।१२ मा सार्वजनिक गर्दै सिरहा नगरपालिका वडा नम्बर १५ को सरोज कुमार साहलाई स्थायी नियुक्तिका लागि सिफारिस गरिएको थियो ।

आयोगको विज्ञापन नं. ११६/०८०–८१ (खुला) अनुसार लिखित र अन्तर्वार्तामा सफल उम्मेदवारको रुपमा योग्य ठहरिएका साहलाई आयोगले मिति २०८२ असार १९ गते मुख्यमन्त्री तथा मन्त्रिपरिषद्को कार्यालय, मधेश प्रदेशमा सिफारिस गरेको थियो । तर, सिफारिस भएको ११ दिन बितिसक्दासमेत सरोज कुमार साहले नियुक्ति पत्र पाएका छैनन् ।

जेसी नेपाल मिडिया सँग कुराकानी गर्दै साहले भने, “मुख्यमन्त्री कार्यालय जाँदा फाईल स्वास्थ्य मन्त्रालयमा पठाएको भनेर पन्छिनछन स्वास्थ्य मन्त्रालय जाँदा दरबन्दी छैन भनेर टार्छन् । आखिर मेरो दोष के हो ?” सरोज कुमार साहको गुनासो छ प्रदेश लोक सेवा आयोगबाट विधिवत् रूपमा सिफारिस भइसकेको पदमा मन्त्रालयहरूले नियुक्ति गर्न आलटाल गर्नु आफैँमा गम्भीर प्रश्नको विषय हो । प्रदेश सरकार आयोगको निर्णयको सम्मान गर्दै समयमै नियुक्ति प्रक्रिया टुंग्याउन बाध्य छन्, तर जिम्मेवार निकायबाट नै टालटुल शैलीमा जवाफ आउनुले पारदर्शिता र जवाफदेहितामाथि प्रश्न उठेको छ ।

यता प्रदेश लोक सेवा आयोगले सिफारिससँगै उम्मेदवारको दरखास्त फाराम, प्रमाणपत्रका प्रतिलिपि र सिफारिस सूचना संलग्न गरेर पठाएको स्पष्ट पारीसकेको छ । यसरी योग्य उम्मेदवारलाई समयमै नियुक्ति नदिंदा सरकारी सेवा प्रवेश गर्ने युवामा निराशा थपिनुका साथै, सरकारप्रति विश्वास घट्ने खतरा बढेको छ । स्वास्थ्य तथा जनसँख्या मन्त्रालयले गत साउन ११ मा उम्मेदवार साहलाई दिएको पत्रमा स्वास्थ्य मन्त्रालयमा दरबन्दी खाली नरहेको र दोहोरो माग हुन पुगेको उल्लेख छ । लोकसेवाबाट सिफारिस भएका उम्मेदवारलाई राजनीतिक प्रतिशोधले नियुक्ति दिन नचाहेको आरोप उम्मेदवारको छ ।

समय समयमा विवादमा आईरहने मधेश प्रदेशको लोकसेवा आयोगले विधिवत सिफारिस गरेका उम्मेदवारलाई मन्त्रालयले नियुक्ति दिन चाहेका छैनन् । एक साताको समय दिएर सचिवस्तरीय निर्णय गर्नुपर्ने सुुनाएको उम्मेदवार साहले बताए ।

प्रकाशित : साउन १३,२०८२          ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

धनुषा प्रहरीले यतायात कार्यालयबाट पाँच जना विचाैलिया गरे पक्राउ : JCNEPAL MEDIA

अमिशा माथि भएको “साइबर हमलामा उजुरीपछि रौतहटबाट युवक पक्राउ, सामाजिक सञ्जाल नियमन गर्न ब्यूराे एक्शनमा : JCNEPAL MEDIA

धनुषा नापी कार्यालयले पनि अपनाए डिजिटल प्रविधि , नक्साको लागि “मेरो कित्ता” प्रणालीमार्फत घरमै बसेर नक्सा लिन सक्ने : JCNEPAL MEDIA

दलका नेताको अनुपस्थितिमै बस्यो रास्वपा संसदीय दल बैठक : JCNEPAL MEDIA

जनकपुरको ब्लैक एण्ड ह्वाईट डान्सबारमा यौन कार्य गर्न न´मान्दा युवतीलाई निर्घात कुटे, दुई जना पक्राउ : JCNEPAL MEDIA

आयल निगमको महेन्द्रनगर डीपोमा हाकिम रंजित कापडी पम्पसँग घुस लिएर पेट्रोलियममा अनियमिमता गर्दै : JCNEPAL MEDIA