एमाले प्रतिनिधि छनोटमा विवाद, पर्शुराम बस्नेतमाथि हातपात : विराटनगर JCNEPAL MEDIA

5 महीना पहिले

मंशिर १३,२०८२ / जेसी नेपाल संवाददाता

काठमाडौं : नेकपा एमालेको ११औं महाधिवेशनका लागि प्रतिनिधि छनोट हुँदै गर्दा विराटनगरको पाञ्चालीस्थित पार्टी कार्यालयमा तीव्र तनाव सिर्जना भएको छ।

जारी मतदानका बीच कार्यकर्ताहरू एकआपसमा झडपमा उत्रिएपछि वातावरण केहीबेर अस्तव्यस्त बनेको हो। तनावको मुख्य कारण फर्जी मतदानको प्रयास रहेको खुलेको छ। एमाले नेता पर्शुराम बस्नेतले अपाङ्गता तथा अशक्त व्यक्तिहरूको नाममा एकै व्यक्तिले वारिस बनेर पटक–पटक मतदान गर्न खोजेको गम्भीर आरोप लगाएपछि विवाद चर्किएको हो। सार्वजनिक भिडियो फुटेजमा नेता बस्नेत अत्यन्त आक्रोसित मुद्रामा देखिन्छन्। भिडमा उभिएर उनले सो व्यक्तिलाई “तपाईँ अभिभावक होइन, यसरी भोट हाल्न पाइन्छ?” भन्दै कडा प्रश्न गरेका छन्। उनी झम्टिन खोजेपछि अन्य कार्यकर्ता तथा सुरक्षाकर्मीले उनलाई रोक्न निकै कठिन परिरहेको दृश्य देखिन्छ। केही कार्यकर्ताले उनलाई धकेलेको पनि भिडियोमा देखिन्छ। त्यहीबेला पछाडि उभिएकी एक महिला कार्यकर्ता भने चिन्तित स्वरमा “आफू–आफू लडाइँ गरेर मर्ने भए” भन्दै स्थिति असामान्य बन्दै गएको संकेत गर्छिन्।

भिडमा चलिरहेको ठेलमठेल, आरोप–प्रत्यारोप र हातहालाहालले एमालेभित्रको आन्तरिक प्रतिस्पर्धा र गुटबन्दी फेरि सतहमा आएको देखिएको छ। अशक्त तथा वृद्धवृद्धाका नाममा अनधिकृत व्यक्तिले भोट हाल्न खोजेको विवाद उग्र बनेपछि केही समयका लागि मतदान प्रक्रिया नै रोकिएको थियो। परिस्थितिलाई नियन्त्रणमा लिन सुरक्षाकर्मीको भूमिका बढेपछि मात्र मतदान पुनः सुचारु भएको बताइएको छ।

प्रकाशित : मंशिर १३,२०८२         ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

धनुषा प्रहरीले यतायात कार्यालयबाट पाँच जना विचाैलिया गरे पक्राउ : JCNEPAL MEDIA

अमिशा माथि भएको “साइबर हमलामा उजुरीपछि रौतहटबाट युवक पक्राउ, सामाजिक सञ्जाल नियमन गर्न ब्यूराे एक्शनमा : JCNEPAL MEDIA

धनुषा नापी कार्यालयले पनि अपनाए डिजिटल प्रविधि , नक्साको लागि “मेरो कित्ता” प्रणालीमार्फत घरमै बसेर नक्सा लिन सक्ने : JCNEPAL MEDIA

दलका नेताको अनुपस्थितिमै बस्यो रास्वपा संसदीय दल बैठक : JCNEPAL MEDIA

जनकपुरको ब्लैक एण्ड ह्वाईट डान्सबारमा यौन कार्य गर्न न´मान्दा युवतीलाई निर्घात कुटे, दुई जना पक्राउ : JCNEPAL MEDIA

आयल निगमको महेन्द्रनगर डीपोमा हाकिम रंजित कापडी पम्पसँग घुस लिएर पेट्रोलियममा अनियमिमता गर्दै : JCNEPAL MEDIA