सराेज राय द्वारा बरहथवा नगर अस्पताललाई अक्सिजन सिलिन्डर र नेबुलाइजर सहयोग :JCNEPAL MEDIA

1 महीना पहिले

फाल्गुन २४,२०८२ / जेसी नेपाल संवाददाता

सर्लाही : बरहथवा नगर अस्पतालको स्वास्थ्य सेवा सुदृढ बनाउन सामाजिक अभियन्ता सरोज रायले अस्पताललाई १० थान अक्सिजन सिलिन्डर र ५ थान नेबुलाइजर सहयोग गरेका छन्। आज आयोजित एक कार्यक्रममा उक्त सामग्री बरहथवा नगरपालिकाकी मेयर तथा अस्पताल व्यवस्थापन समितिकी अध्यक्ष कल्पना कटुवाललाई हस्तान्तरण गरिएको हो।

हस्तान्तरण कार्यक्रममा अस्पताल व्यवस्थापन समितिका सदस्य गौरव गुरुङ, अस्पतालका निर्देशक तथा चिकित्सकहरू, वडा नं. १२ का वडा अध्यक्ष रामजी यादव, स्थानीय समाजसेवी राजन, मनोज राय, संजीव यादव, जयप्रकाश महतो लगायतको उपस्थिति रहेको थियो। सामाजिक अभियन्ता सरोज रायले स्वास्थ्य सेवामा आवश्यक उपकरण उपलब्ध गराउन सानो सहयोग स्वरूप उक्त सामग्री प्रदान गरिएको बताउँदै स्थानीय अस्पतालको सेवा प्रभावकारी बनाउन सबै पक्षको सहकार्य आवश्यक रहेको उल्लेख गरे।

नगर अस्पतालमा अक्सिजन सिलिन्डर र नेबुलाइजर उपलब्ध भएपछि श्वासप्रश्वाससम्बन्धी समस्या भएका बिरामीहरूको उपचारमा थप सहजता हुने अस्पताल प्रशासनले जनाएको छ। कार्यक्रममा उपस्थित जनप्रतिनिधि तथा स्थानीय व्यक्तिहरूले स्वास्थ्य क्षेत्रमा गरिएको यस सहयोगको प्रशंसा गर्दै यस्ता सामाजिक कार्यहरूले समुदायलाई सकारात्मक सन्देश दिने बताएका छन्।

प्रकाशित : फाल्गुन २४,२०८२         ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

धनुषा प्रहरीले यतायात कार्यालयबाट पाँच जना विचाैलिया गरे पक्राउ : JCNEPAL MEDIA

अमिशा माथि भएको “साइबर हमलामा उजुरीपछि रौतहटबाट युवक पक्राउ, सामाजिक सञ्जाल नियमन गर्न ब्यूराे एक्शनमा : JCNEPAL MEDIA

धनुषा नापी कार्यालयले पनि अपनाए डिजिटल प्रविधि , नक्साको लागि “मेरो कित्ता” प्रणालीमार्फत घरमै बसेर नक्सा लिन सक्ने : JCNEPAL MEDIA

दलका नेताको अनुपस्थितिमै बस्यो रास्वपा संसदीय दल बैठक : JCNEPAL MEDIA

जनकपुरको ब्लैक एण्ड ह्वाईट डान्सबारमा यौन कार्य गर्न न´मान्दा युवतीलाई निर्घात कुटे, दुई जना पक्राउ : JCNEPAL MEDIA

आयल निगमको महेन्द्रनगर डीपोमा हाकिम रंजित कापडी पम्पसँग घुस लिएर पेट्रोलियममा अनियमिमता गर्दै : JCNEPAL MEDIA