पदमुक्त हुनुअघि परिषद्का अध्यक्षले गरे बुहारीसहित २१ जनाको नियुक्ति : JCNEPAL MEDIA

28 दिन पहिले

बैशाख २६,२०८३ / जेसी नेपाल संवाददाता

जनकपुरधाम : बृहत्तर जनकपुर क्षेत्र विकास परिषद्का अध्यक्ष शितल साह पदमुक्त भएका छन् । उनले आफू पदमुक्त हुनुअघि बुहारी प्रियंका महासेठसहित २१ जनाको नियुक्त गरेको पाइएको छ ।

परिषद्को कार्यालयमा काम गर्ने गरी प्रियंकासहित २१ जनाको नियुक्ति गएको वैशाख १७ गते गरेको पाइएको हो । सरकारले तीन दिनअघि वैशाख १९ गतेदेखि लागु हुने गरी बृहत्तर जनकपुर क्षेत्र विकास परिषद्सहितको राजनीतिक नियुक्त खारेज गरेका थिए । तर, अध्यक्ष साहले पदमुक्त हुनुअघि २१ जनाको नियुक्ति गरेपछि कार्यालयमा विवाद चुलिएको छ ।

अध्यक्ष साहले बुहारी प्रियंकालाई नायव सुब्बामा नियुक्ति गरेका छन् । त्यसैगरी लेखापाल, सिभिल इन्जिनियर र नायव सुब्बामा एक/एकजना नयाँ नियुक्त गरेका छन् । सहायक कम्प्युटर अपरेटर एक, हलुका सवारी चालक एक, खरिदार दुई र कार्यालय सहयोगी/संस्कृति प्रहरी १५ जना नियुक्त गरेका छन् । यसमा साहले तीनजना आफन्तलाई नियुक्त गरेको कार्यालयकै कर्मचारीले बताए । कार्यालयका कर्मचारीहरूले नयाँ नियुक्त गरिएका कर्मचारीहरूलाई हाजिर हुन नदिएपछि घटना बाहिर आएको हो । बिहीबार जिल्ला प्रशासन कार्यालय धनुषामा दुवै पक्षबीच छलफल भएको धनुषाका प्रमुख जिल्ला अधिकारी प्रेमप्रसाद लुइँटेलले जानकारी दिए ।

उनका अनुसार, अध्यक्ष साहले वैशाख १७ गतेको मितिमा २१ जनाको नियुक्ति गरेको देखिन्छ । पुरानो कर्मचारीले नयाँलाई हाजिर हुन नदिएपछि छलफलमा बोलाइएको थियो । छलफलबाट टुंगो नलागेपछि संघीय संस्कृति, पर्यटन तथा नागरिक उड्डयन मन्त्रालयमा जानकारी गराइएको छ । हाल कुनै पनि कर्मचारीलाई कार्यालयमा हाजिर हुन नदिने, कार्यालयमा तालाबन्दी गर्ने, परिचयपत्र कार्ड नलगाउने, कार्यालयको निगरानीको लागि प्रहरी खटाउने सहमति भएको प्रमुख जिल्ला अधिकारी लुइँटेलले बताए । सोहीअनुसार दुवै पक्षलाई निर्देशन दिएको उनले जानकारी दिए । साहले सबै नियुक्त दरबन्दीअुनसार गरेको बताए ।

बुहारी प्रियंकाको नियुक्ति पनि निष्पक्ष रूपमा गरेको उनको भनाइ छ । उनका अनुसार, ०८२ कात्तिक १७ गते परिषद्ले कर्मचारी राख्न विज्ञापन गरेको थियो । तर, विभिन्न कारण दबरन्दी रोकिएको थियो । गएको कात्तिक १ गते नै दरबन्दी स्वीकृत भएपछि सोहीअुनसार गत साता कर्मचारी प्रक्रियाअनुसार नियुक्त गरेको उनको दाबी छ ।

प्रकाशित : बैशाख २४,२०८३         ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

सामाजिक सञ्जालमा नक्कली पेस्तोल प्रदर्शन गर्ने युवक पक्राउ : विराटनगर JCNEPALMEDIA

राष्ट्र बैंकको गभर्नर तथा डेपुटी गभर्नर बाहिरबाट ल्याउने तयारी : JCNEPALMEDIA

हेडक्वार्टरले बदल्यो निर्णय, उपत्यका ट्राफिक प्रहरी प्रमुखमा सुरेश काफ्ले : JCNEPALMEDIA

लुम्बिनी प्रदेशमा मन्त्रिपरिषद् पुनर्गठन, पाँच नयाँ मन्त्री नियुक्त : JCNEPALMEDIA

जनकपुर भित्र अधिकान्स ट्रान्सफर्मर बिरामी, जनता पसिनाले लाेतपाेत र कार्यालय प्रमुख AC मा आराम गर्दै : JCNEPALMEDIA

शुल्क विवादको बहानामा प्रहरी हिरासतभित्र इप्रका प्रमुखले गरे कुटपिट : सर्लाही JCNEPALMEDIA