राष्ट्रपति र सभामुखबीच संसद्को महासचिव नियुक्तिबारे फोनवार्ता

2 वर्ष पहिले

मंशिर २८,२०८० / जेसी नेपाल संवाददाता

काठमाडौं : संघीय संसद्‌काे महासचिव नियुक्तिको विषयमा राष्ट्रपति र सभामुख देवराज घिमिरे बीच फोनमा कुराकानी भएको छ । महासचिव भरतराज गौतमले राजीनामा दिएपछि सभामुख घिमिरे र राष्ट्रिय सभा अध्यक्ष गणेशप्रसाद तिमिल्सिनाले नयाँ नियुक्तिका लागि प्रतिनिधिसभा सचिव पद्मप्रसाद पाण्डेयको नाम सिफारिस गरेका छन् ।

राष्ट्रपति पौडेल र सभामुख घिमिरेबीच बुधबार फोनमा कुराकानी भएको सभामुखका प्रेस सल्लाहकार शेखर अधिकारीले जानकारी दिए । राष्ट्रपति र सभामुखबीच महासचिव नियुक्तिको विषयमा फोनमा कुराकानी भएको छ । राष्ट्रपतिले नियुक्तिको सिफारिस अध्ययनमा रहेको बताउनुभएको छ,दुवैबीचको फोन कुराकानीबारे अधिकारीले भने, सभामुखले संसद्को महासचिव नहुँदाखेरिका असजिला र अप्ठ्याराबारे राष्ट्रपतिलाई जानकारी गराउनुभएको छ । राष्ट्रपति पौडेलले संसद्मा महासचिवको अभावमा उत्पन्न हुने अप्ठ्यारा आफ्नो ढंगले अगाडि बढाउन भनेका थिए । सभामुख घिमिरेले राष्ट्रपतिसँग मंगलबार नै कुरा गर्न खोजेका थिए तर सम्भव भएको थिएन ।

राष्ट्रपति पौडेलले संघीय संसद्को महासचिवबाट भरतराज गौतमले दिएको राजीनामा बुधबार नै स्वीकृत गरेका थिए । त्यसको जानकारी राष्ट्रपति कार्यालयले संसद् सचिवालयलाई पठाइसकेको छ । राष्ट्रपति कार्यालयका प्रवक्ता शैलजा रेग्मी भट्टराईले संसद् सचिवालयलाई लेखेको पत्रमा भनिएको छ, राष्ट्रपति रामचन्द्र पौडेल समक्ष संघीय संसदको महासचिव डा. भरतराज गौतमले मिति २०८० मंसिर २४ देखि लागु हुने गरी आफ्नो पदबाट दिनुभएको राजीनामा सोहि मिति देखि लागु हुनेगरी राष्ट्रपतिले २०८० मंसिर २७ मा स्वीकृत गर्नु भएको छ ।

गौतमले महासचिवबाट राजीनामा दिएको भोलिपल्टै सभामुख र राष्ट्रिय सभा अध्यक्षले पाण्डेयको नाम सिफारिस गरेका थिए । उक्त सिफारिसअनुसार राष्ट्रपतिले नियुक्ति गरेको पत्र संसद् सचिवालयमा पुगिसकेको छैन । नियुक्ति सिफारिस कानुनी रूपले रित नपुगेको र त्रुटिपूर्ण रहेको भन्दै राष्ट्रपति कार्यालयले संसद्को महासचिवमा पाण्डेयलाई नियुक्त गर्ने सिफारिस अध्ययनको चरणमा रहेको जानकारी दिएको छ ।

नियुक्ति ढिलाइ हुने भएपछि सभामुखले राष्ट्रिय सभाका अध्यक्षसँगको परामर्शमा प्रतिनिधिसभा सचिव पाण्डेयलाई महासचिवको रूपमा काम गर्नका लागि जिम्मेवारी तोकेका छन् ।

प्रकाशित : मंसिर २८, २०८० ०६:१४

 

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

अमेरिकामा नेपाली नयाँ बर्ष अप्रील १४ मा प्रत्येक बर्ष मनाउने आज आधिकारिक घोषणा : विजय कुमार चौधरी

धनुषा प्रहरीले यतायात कार्यालयबाट पाँच जना विचाैलिया गरे पक्राउ : JCNEPAL MEDIA

भारतकाे रामपुरमा शारिरिक संभाेगकै क्रममा घाँटी थिचेर हत्या,अर्धनग्न नै छाेडेर भागे : JCNEPAL MEDIA

पूजा ठाकुरको 'दहेज' सर्ट फिल्म रिलिज ,बाईककै लागि बिहे गर्ने मधेशको प्रवृतिमा अधारित : JCNEPAL MEDIA

अमिशा माथि भएको “साइबर हमलामा उजुरीपछि रौतहटबाट युवक पक्राउ, सामाजिक सञ्जाल नियमन गर्न ब्यूराे एक्शनमा : JCNEPAL MEDIA

धनुषा नापी कार्यालयले पनि अपनाए डिजिटल प्रविधि , नक्साको लागि “मेरो कित्ता” प्रणालीमार्फत घरमै बसेर नक्सा लिन सक्ने : JCNEPAL MEDIA