प्रचण्डको आह्वानमा रविसहित विपक्षी दलको बैठक जारी JCNEPAL_MEDIA

2 वर्ष पहिले

कार्तिक २,२०८१ / जेसी नेपाल मिडिया

काठमाडौं : प्रमुख प्रतिपक्षी दल नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’को आह्वानमा प्रतिपक्षी दलहरूको बैठक बानेश्वरमा जारी छ।

समसामयिक राजनीतिक विषयका साथै बाढीपहिरो पछिको अवस्थाबारे छलफल गर्नका लागि बैठक बोलाइएको माओवादी निकट स्रोतले जनाएको छ।

जारी बैठकमा पूर्वप्रधानमन्त्रीसमेत रहेका प्रचण्डसहित रास्वपा अध्यक्ष रवि लामिछाने, नेकपा एकीकृत समाजवादी अध्यक्ष माधवकुमार नेपाल, लोसपा अध्यक्ष महन्थ ठाकुर, शक्ति बस्नेत, स्वर्णिम वाग्लेलगायत सहभागी छन्।

प्रधानमन्त्री केपी शर्मा ओलीको दल नेकपा एमालेले व्यवसायी मीनबहादुर गुरुङबाट पार्टी भवन निर्माणकालागि १० रोपनी १४ आना जग्गा दान लिएको विषयलाई लिएर राजनीति बृतमा छुट्टै खालको बहस उब्जिएको छ। सो बैठकमा पनि उक्त विषयलाई केन्द्रमा राखिएको स्रोतले जनाएको छ।

साथै बैठकमा प्रधानमन्त्री ओली सरकारको ९० दिनको समीक्षासमेत गरिने बताइएको छ। यता, पूर्वगृहमन्त्री लामिछानेलाई पक्राउ गर्न प्रहरीले तयारी थालेको छ। सहकारी ठगी प्रकरणमा मुछिएका लामिछानेलाई अनुसन्धानका लागि प्रहरीले नियन्त्रणमा लिने तयारी गरेको जनाइएको छ।

प्रकाशित: २ कार्तिक २०८१ ००:००

यो खबर पढेर तपाईलाई कस्तो महसुस भयो ?

फेसबुकबाट तपाईको प्रतिक्रिया !


सम्बन्धित समाचार

गृहमन्त्री प्रकरणमा उच्चस्तरीय छानवीन गर्न कांग्रेसको माग : JCNEPALMEDIA

QR Code अधारित विद्यार्थी , शिक्षक उपस्थिती प्रणाली लागू गर्न वालेन समक्ष बुझाए प्रस्ताव : अध्यक्ष सुन्देशवर यादव

टेम्पोमाथि रुख ढल्दा दुई जनाको मृत्यु, तीन घाइते

मुख्यमन्त्रीहरुसँग प्रधानमन्त्री वालेन्द्र शाहको छलफलमा,सीमानाकाको सवारी कर हटाउनुपर्ने माँग : मधेस मुख्यमन्त्री यादव

अमेरिकामा नेपाली नयाँ बर्ष अप्रील १४ मा प्रत्येक बर्ष मनाउने आज आधिकारिक घोषणा : विजय कुमार चौधरी

धनुषा प्रहरीले यतायात कार्यालयबाट पाँच जना विचाैलिया गरे पक्राउ : JCNEPAL MEDIA